“და ძმისთვისაო”…ხომ გაგიგიათ
გამონათქვამი ხშირად მართალი,
ბიჭებო! ალბათ მრავლად გიგრძვნიათ
დედმამშვილის მადლი დამტკბარი.
დების სითბო და გვერდში დგომა,
მათი ზრუნვა და ჩვენზე წუხილი,
გვიგაზაფხულებს იმ შემოდგომას
ზოგჯერ რომ გვაწვიმს ჭექა–ქუხილით.
ძმებო ერთსა გთხოვთ–თუ მათ სიკეთეს
ხშირად ვერ ვიხდით იმავ სიკეთით,
ცრუ მადლის ნიღაბს ნუ გავიკეთებთ,
ნუ ვაიმედებთ ფუჭი იმედით.
და ნუ შეგვრცხვება აღიარების,
რადგან განგებამ ასე ინება
“და ძმისთვისაო,ძმა სხვისთვისაო”
ხშირად თუ არის ჭეშმარიტება.
მე ვმადლობ უფალს, რათა მარგუნა
დაძმობის განცდა ღვთითვე მოსილი,
უკუნისამდე გვყავდნენ სალბუნად,
აროდეს გვქონდეს ეს მადლი მოშლილი.

By XuCoOo